Devezh etrebroadel evit gwirioù ar merc’hed

E framm Mizvezh ar Brezhoneg 2025

Da-geñver devezh etrebroadel ar stourm evit gwirioù ar plac’hed hag ar minorelezhioù jener e kinnigo  Naoned un abadenn ispisial. E-pad un eurvezh e vo lakaet war-glev mouezhioù, stourmoù hag awenoù maouezed dec’h hag a-vremañ. 

Evit reiñ tro d’an neb a gar arvestiñ ouzh an abadenn e vimp gant dafar jubenniñ da dreiñ an eskemmoù e galleg. 

Adkavit mouezhioù Liza Jakez-Vargas ha Morgane Cotten e sal vras Yezhoù ha Sevenadur, war-eeun dre wagennoù Radio Naoned ha dre ar rouedad Radio Breizh.

E sal an diskouezadegoù Yezhoù ha Sevenadur
12 bali an Añjevinier 44800 Sant-Ervlan
yezhou@yhs.bzh / 07 82 70 15 14