Lid-digeriñ an diskouezadeg “Marcelle hag Añjela”

Evit lid-digeriñ an diskouezadeg “Marcelle Delpastre & Añjela Duval” e vimp laouen o tegemer an daouad “Dame Angèle” gant Enora de Pascau ha Yolaine Delamaire, div vouezh anavezet mat war al leurenn a-vremañ e Breizh : bed o sonerezh zo mesk-ha-mesk gant hiraezh, fiziañs ha barzhoniezh.

“Dame Angèle” a c’hoari buhez ur vaouez hag he dije treuzet an oadvezhioù merket gant kelc’hiadoù an natur ha kelc’hiadoù ar vuhez.

E framm gouel-meur Les Celtomania.

photo de Jeanne Paturel